#REVIEW：23.5°N 北緯研製 豆乳優格彈潤霜膜 100ml

等左幾年，終於等到 23.5N 出新 mask 啦！仲要一出就出兩款，簡直係今個秋冬天最大的驚喜。因為乾肌如我都會覺得原先的凍膜係秋冬天唔夠滋潤，硬係爭d咁，而我的訴求終於得到23.5N的回應了，今次推出的豆乳優格彈潤系列特別同台灣本土的 yogurt brand 合作，特點係利用來自豆乳發酵後的彈潤小分子『胜肽類、胺基酸』，令美肌成分更容易滲透肌底，有效緩解因乾燥而氣色暗沉、乾燥膚況、令皮膚又白又彈！

先分享一下呢款首次推出的 cream mask 豆乳優格彈潤霜膜，因為真係好好好鐘意，上星期差唔多日日敷，敷足7日！佢既質地好似奶油咁軟滑，一d都唔黏膩厚重，但滋潤度又剛剛好喎，打開淡淡的豆乳清香，好治癒~ 原來 cream mask 首次添加親膚性天然油脂，賦予肌膚足夠的潤澤度，搽上面時係較多細紋的位置 (眼底、鼻翼) 敷厚一點，唔怪得敷完皮膚的柔軟度明顯地大增，好滑好軟，比過往的幾款凍膜的滋潤度真係高好多，好適合而家的天氣或轉季時用。

上星期煲劇夜訓果幾晚+天氣轉涼又乾燥，朝早起身即刻敷番個 cream mask 急救，敷完即刻無咁疲態性乾燥 (即係殘)，白淨左之餘，皮膚仲有番彈性，真係「肌膚吃得到的Q彈幸福感」，今個冬天靠你啦！

空氣奶油狀的cream mask好柔軟，唔會太厚重太笠次次，仲有淡淡豆乳味，讚！

===================================

Masketer: Joy Leung 

曾任資深美容記者，堅持「每日一敷」，每年敷量難以估計，人生好簡單：「飯可以唔食，面膜唔可以唔敷」

敷mask年資：20+

想改善的肌膚問題：容易過敏、乾燥、膚色不勻

THE MASKET must have: 23.5N豆乳優格彈潤霜膜