#REVIEW：23.5°N 鳳梨淨化凍膜

近來大家都關注台灣鳳梨，我當然要趁機抽抽水，以敷面膜的方式支持台灣鳳梨！因為呢款 23.5°N 鳳梨淨化凍膜，除左好用、有顯著效果外，當中的鳳梨成分亦取自台灣嘉義縣民雄鄕東勢湖庄，於北回歸線旁紅土坡自然農法耕植，以有機牛奶液肥澆灌而來的，真的夥夥都充滿愛哦！

如果你皮膚比較容易敏感+唔想用一D磨砂或果酸煥膚類的去角質產品，呢款鳳梨淨化凍膜就最啱你啦，佢主要以先軟化後代謝的調理功效，改善毛孔閉塞、暗粒，只要厚敷1️0-15分鐘，原本粗糙的膚質即刻變得平滑，又唔會抽乾皮膚水分 (只因pH5.0弱酸性親膚配方)，最重要係D黑頭粉刺變得更容易推出來，非常屈機。

一粒粒好似果凍狀的東西，其實係23.5N獨家的鳳梨酵素凍晶體(銀耳多醣體配上鳳梨酵素萃取)，可以軟化肌膚。

 

但係身邊有朋友話用完好似無咩效果wor?!?! 點解？

原因一：因為你敷得唔夠厚，呢款淨化產品主要係透過鳳梨酵素，軟化表層多餘的角質層，所以如果敷的份量不夠，咁佢既功效當然會大減啦，所以唔好慳，要有效果就要厚厚地敷！

原因二：當中的一粒粒好似果凍狀的東西搽上前時好麻煩，但其實果D係佢地獨家的鳳梨酵素凍晶體(銀耳多醣體配上鳳梨酵素萃取)，比起傳統的去角質夥粒更溫和、不刺激，能逐漸調理積存毛孔內的黑頭粉刺，所以敷完唔使按架，厚敷就得！

同系列的另一款產品鳳梨淨化調理露，可以話係面膜既精華版，建議比超多黑頭粉刺(擠極都仲有)的肌膚使用，用法好簡單，初使用時可隔日或一星期連續使用3次，每晚爽膚後，取一至兩滴塗於黑頭粉刺嚴重的部位 (T字位、下巴)，之後再搽番用開的精華就OK了，連續用兩日後，你會發現D黑頭粉刺會逐D逐D褪出來，好似排住隊等你清理咁，好治癒！

 
====================================
 

Masketer: Joy Leung 

曾任資深美容記者，堅持「每日一敷」，每年敷量難以估計，人生好簡單：「飯可以唔食，面膜唔可以唔敷」

敷mask年資：20+

想改善的肌膚問題：容易過敏、乾燥